يمَّ الحواجب والعيون يضرَّن

مع همتّك للرمش تحت وشيله

تقول ع المدامع م الهواء يطّرَّن 

يْهَوّن علي الِّلي ناعسات ذبيله

عيون سود نين بسودهن يغترَّن

سودك ذبايل ما عطّني قيله

اترع نيل بين غرود فيّ يكرَّن  

متشابك شواطيهن جريد نخيله

يمّ الخدود انظاف بيض تعرَّن   

ويمّ السوالف مايحات جديله

ويمّ المجالي بيض وين انقرّن

ايديرن شرار وبرق وتشهليله

ويمّ المحاسن والطباع يسرَّن 

عيون من يشوفك بالجمال جميله

خلِّيتي حواسس خاطري ينجرِّن 

لا القوّ جابك لا تجيبك حيله

سببهن غلا غالي إن كان انضرَّن 

لو في سماه السابعه نمشيله

نين التماني والأقسام يدرّن      

انشقّلك فواد الصعب يسهل نيله

اللي اليوم منك جا جريح امجرّن 

يفلّق علي شانك مخاير خيله

- يمّ الغثيث ارجود               

فوق مِ العواتق لاورا مبجود

أنتِ راك عندي راك راس الرود

مهما الدهر ما مال ميَّة ميله

سبحان ربي دار فيك خدود      

وقورر العين و عندها تعسيله

مع هدب متعاكس وروسه سود  

عيون صقر حالم جرّدوا كنبيله

أنتِ في العلل والجبد والمجبود 

مقامك العالي كل حد يرعيله

تخلّي الناس الواثقين أقعود     

أحذاك يتمنَّوا فيك بي وسيله

يا الخايله يا سافيه مبجود   

يا الرايعه يا امنسّبه من عيله

أصحاب الفخامه والنبا والجود

مِ الناس المسامي السامية الأصيله

- يا المليحه                  

وصفك وزولك شدّني لمديحه

فوق مِ العواتق كادّه تسريحه

شلال من ذهب من نهر سايل سيله

انساب ع الصباح اللي تقول ذريحه

وجمّه علي عينيين سود كحيله

ممشوط ناعم سلس سايح سيحه 

تجيه بصوابع كي الشموع تشيله

علي جسم كيف المسك عنده فيحه

يفوح بعبير الورد وأكاليله

منك قلوب العاشقين جريحه  

احّيه من غلاك ومِ الهوى يا ويله

خلاني وراك نصيح ميَّة صيحه

لو كان تسمعي للعقل مواويله

ويجيبلك أسرار الصوب ومفاتيحه

وتاج حب بين يديك ونصلِّيله

و نقطف جميع النجم مصابيحه   

ونهديهن إلى حضرة معالي ليلى

فوق من طبق مِ الذهب واحلي شيحه 

وتاجات كسرى والأهرام ونيله

عربون للمحبَّة الصافية الصحيحه 

ومعاهن مشاعر خاطري بلّيله

- يا معشوقه          

بين الجناين في نسيم الروقه

يا بدر بين نجوم وان التوقه

ويا شمس غيبي شي سنين طويله

عاشق مع مشتاق طايل شوقه

وجاهم الليل بنسمته العليله

أنتِ يا قمر قمراي كامل زوقه

أمبعثر مصابيحه وقناديله

أي نور نورك وين راد يسوقه 

يا نور قلبي وين هلِّيتيله

نفرش وطاتك ورد تمشي فوقه  

علي بساط عابر مِ النسيم سبيله

المهمّ تبقي في الهوى مطلوقه  

وقلبك لقلبي يحنّ ويناديله

يا عزّ عندي في النساء مخلوقه 
ج

ما يتمّ وصفك للعرب تبِّيله

كي من نظر للقدر شافه بوقه 

جميع ما تمنَّى في الحياه اعطيله

- سبحانه اللي صوّرها         

ليلى بكواكبها ونور قمرها

شمس الضحى في لونها وشعرها

من روح الجمال وحرت في تمثيله

خلقت الدنيا إلاَّ علي خاطرها 

بيها جميله والحياه جميله

في صوتها في العقل في مظهرها

في مشيها في الزول في تفصيله

في حسنها في الفكر نذكرها 

هي كلّ شي في كلّ شي الحصيله

ونا كلّ شي في كلّ شي ننظرها

وهي كل شي في كل شي الخليله

ماعاد ذهني فيه غير اصورها

وهي كل شي في كل شي توحيله

- يوم لقانا               

وينما تلاقينا وفي مصبانا

وفيما حكينا ع الوفاء وخيانه

وقلنا وعدنا ع الغلا والحيله

ومتعانقات أرواحنا وانيانا 

وجميع الخواطر سارحات هميله

شقّن ربيع امهندلات غصانه 

ويبعثلنا في الورد مراسيله

شفنا العالم نايرات أركانه 

فوق م الغرام اللي فرش منديله

فرحن جميع الكاينات معانا

ونبعد على الحرمان ونغنيله

- هي البدايه

وهي حكاوييِّ وهي معنايه

نقول اسم ليلى فوَّل السهرايه
ومن غير ليلى ما نقول حكايه
وحقّ اسم ليلى في أسماء الصبايا
واللي خلق ليلى جعلها آيه
اللي ظنتها سلمها ربَّايه
نا كبير في قومي ولي عنايه
غير المحبَّة رادها مولايا
لا الحب ينقص من اسما السمايا
را العشق للي عاشقين مطايا

وفي عقابها ليلى اللي نحكيله
وغير اسم ليلى اسم ما نصغيله
واسم الليالي العشر في تنزيله
ودار رسم ليلى بقدرته الجليله
نين اجرحتني وكل حد نشكيله
وخفَّة كبير القوم موش قليله
ونا ننحني للحب ومفاعيله
ولا قدر حرَّة ينتقص من كيله
يشيل الفتى في أعلى معالي جيله